تعلمت فى هذه الكلية !!!!!!!!!!!!

بسم الله الرحمن الرحيم و الصلاة و السلام على اشرف المرسلين سيدنا محمد بن عبدالله (صلى الله عليه و سلم) اما بعد
فى اول ترم لينا فى الكلية الحمدلله لم استفيد فى اى مادة علمية لكن استفدت شيئا كنت هعد عشرات السنين علشان اتعلمه و هو (ازاى تقرأ الشخص اللى قدامك) و الله فعلا بحمد ربنا على انى اتعلمت الموضوع ده
اسوأ احساس فى الكون انك تحس ان الشخص اللى بيكلمك ده بيكلمك و هوى من جواه كارهك بيكلمك علشان مصلحة و اول حاجة بيعملها بعد ما بيخلص معاك بيغتابك!!!!!!!!!!!!
فعلا انا اتعلمت ازاى اعامل الناس بما فى داخلهم مش باللى بيظهروه
رسالة لكل واحد فاكر انه لما يغتاب حد او يعامله علشان مصلحة احب اقولك الدنيا ديه صغيرة اوى يعنى اللى هتعمله انهاردة بكرة هييجى شخص و يغتابك و لو محصلش معاك هيحصل مع ولادك او حد من اهلك
احفظ الجملة ديه كويس (يمهل ولا يهمل)
قال تعالى ( يا أيها الذين آمنوا اصبروا و صابروا و رابطوا و اتقوا الله لعلكم تفلحون)
اتمنى ان كلنا لما نيجى نختار اصدقائنا نتمهل ولا نستعجل لانك من حياتك كلها ممكن تطلع بصاحب واحد فقط
و كمان قال رسولنا الكريم (صلى الله عليه و سلم) ( المرء على دين خليله فلينظر احدكم من يخالل )
اتمنى منكم جميعا انكوا تستفيدوا من كل يوم فى الكلية
الاول تحاولوا تستفيدوا علميا
ثانيا تستفيدوا و تخدوا خبرات فى الحياة
ربنا يكرمنا و يكرمكم جميعا

معاك حق اسوأ حاجة هى انك تحس ان اللى قدامك ده معاك عشان مصلحة


اكتر حاجة اتعلمتها فى التيرم ده
انى ما احكمش على حد من مظهره او من مجرد تصرف اتعمل قدامى
لاأ
لازم اعرفه كويس عشان اقدر احكم عليه
لان للأسف اتصدمت فى ناس كتييييير اوى بسبب انى افتكرتهم كويسين وطلعوا العكس
ونا افتكرت انهم مش كويسين وطلعوا ونعم الناس

الحياة مليانة و لازم ناخد خبرات